1655 год. Предания старины глубокой.

Подробности

Опубликовано 17.11.2019 00:46

Вятския страны города Котельнича и Орлова градския и уездныя жители благочестивии людие по их древнему прародительскому обещанию приходят сами во град Хлынов и приемлют стругом во грады своя чудотворный образ всемилостиваго Спаса, всемирнаго ради моления. И во 163-м году месяца септевриа в 14-й день случися с тем чудотворным образом Господним быти в поезде в селе Истобенском во храме Николая Чудотворца, внииде же тамо помолитися некий уезда того житель Иоанн Багаев с сыном своим Пантелемоном, сущим возрастом 8 лет, и начат о нем поведати священником глаголя им: сей сын мой изыде некогда в лес потребы ради, и нашед нечаянно на ловную заячую снасть, пострелися тою, прииде же в лице его к носу и к правому оку, и понеже бывают те снасти с зазубрами, вонзеся крепко железо в лице его, и никакоже возможно бе изъята и резати лица его, понеже близ ока, бывшу же железу в ране той 8 дний, крычапие от люты я болезни тоя тако, яко вопля его не возможно слышати человеку; и слышано бысть в то время к нам о пришествии во град Орлов чудотворнаго образа всемилостиваго Спаса, мы же положихом обещание стретить со тщанием той целбоносный образ Господень с постом и со свещами в селе Истобенском и помолитися ко Господу Богу молебным пением о сыне своем, и по обещании том сын мой Пантелеимон в нощь следующую пребысть сонен, яко не слышати ему болезни тоя, во утрий же день убудився от сна обрете железо изъято от раны тоя, и видевше таковое преславное Божие человеколюбие со страхом и радостию прославихом Господа Бога, пришедши же ныне семо в село Истобенское стретихом чудотворный образ всемилостиваго Спаса.
Сия поведа муж он, и соверши благодарное молебное пение, купно с сыном своим припадая и лобызая пречистый Спасов образ, священницы же певше молебная пения со звоном отпустиша их во свояси благодаряще Бога.

Из "О чудотворной иконе, изображающей лик Спасителя на убрусе, находящейся в Вятском Спасском Соборе." Вятские епархиальные ведомости 1880 г. № 21 (1 Ноября)